اردوغان و جو العائلة الريفى

اردوغان و جو العائلة الريفى

الخميس، 31 ديسمبر، 2009

التحرش فى اماكن العمل 1


بدلا من عمل بوست معيدة بمناسبة السنة الجديدة قولت لنفسى اضرب بوست درامى و ابقى مختلف عن الاخرين
التحرش ليس جنسى فقط وليس بين رجل و امراة التحرش موجود فى كل شىء وكل زمان ومكان حتى بين الاهل


ملوش للشغل..!!

فى اماكن العمل المختلفة هناك فرصة للختلاط بين الناس مما يدفع البعض للتحرش بزملاء العمل نتيجة الغيرة او الحقد او الرغبة او الطمع وتختلف الاماكن ويختلف الناس باطباعهم و عاداتهم وسلوكياتهم بمعنى يختلف التحرش من مكان لاخر مثلا التحرش فى المكاتب المغلقة تختلف عن المكاتب المفتوحة والمصانع والشركات الى الورش والاعمال اليدوية قد يختلف الاسلوب ولكن التحرش واحد دعونا نبداء بالورش والتحرش الذى قد يواجة الاطفال الصغار من بعض و اكرر بعض الصنيعية او الاسطوات.
سيدة مطلقة انفصلت عن زوجها ومعاها 4 من العيال اثنين من البنات وثنين من البنين كان وليد الطفل الثالث بعد بنتين كانت الام تعمل خياطة والبنات فى مراحل التعليم المختلفة. فكرت الام ان تاخذ وليد فى الاجازة الدراسية الصيفية الى احدى ورش النجارة حتى يتعلم صنعة اهى تبقى تنفعة بجوار الشهادة وحتى تستفيد بقرشين اهم ينفعو فى المصريف و ظروف الحياة الصعبة.
اتفقت الام مع احد اصحاب الورش والذى وافق على الفور عندما علم بظروفها و طلب منها ان ترسل وليد فى الصباح الباكر.
والعمل فى الورش وما ادراك بالعمل فى الورش بالاخص لصغار السن او للمستجدين من ليست لديهم خبرة بالمهنة المخولين للعمل بها .فالعمل بالورش لة اصوال و قواعد منها ان المستجد من الصغار سوف يستعبد ويعامل معاملة العبيد من خدمة صاحب الورشة الى خدمة الاسطوات ونظافة العدة والورشة و شراء طلبات الاسطوات من اكل و شرب و الكيف الى اخرة وفى الكثير من الاحيان يتقابل صغار السن مع اسطوات مرضى ومعقدين مما يتعرض لة الطفل من معاملة سيئة و تحرش فى الكثير من الحالات.وللاسف فان الصغار لا يتعلمون الحرفة او المهنة ببساطة وسهولة لان الاسطوات يحرصون على ارسال الصغار فى مشاوير و اعمال خدمية لا تتعلق بالمهنة بشى وبذلك فان من يريد ان يتعلم حرفة ولا عشرة او خمسة عشر سنة من الاستعباد والمرمطة بالورش.وهناك من الاسطوات من يحقد ويكرة المتعلمين اصحاب المدارس نظرا الى المعاناة التى سبق وان لاقوها و حرمانهم من التعليم
فى احد الايام اتى وليد مبكرا كالعادة وبداء كنس ومسح الورشة و تحضير العدة حضر احد الاسطوات وكان متوسط العمر.

- اة تعالى ياة واد يا وليد..!!
وليد- نعم يا اسطى
-تعالى شيل البيبان دى من هنا واركنها بجوار البنك
وليد-محاولا نقل البيبان ولكنها من الخشب الزان وثقيلة ياة دى ثقيلة قوى يا اسطى
-ثقيلة يا روح امك دة بس علشان عظمك طرى و تربية مدارس انا مش عارف اية اللى خلى الحاج محمود يشغل عيال تربية مدارس هى نقصة قرف اوعى اوعى اهى بتتشال كدة كتك القرف فى شكلك على الصبح..!
روح اجرى هاتلى الاستباحة بتعتى سندويتشين الفول و واحد شاى بحليب و حجر المعسل غور اجرى.!
راح وليد القهوة يطلب حاجة الاسطى وهو راجع بالشاى و الشيشة
اتفضل يا اسطى
-اية دة يابن المرة .....!!
دى ولعة تحطها على الحجر (ولعة هى الفحم الذى يوضع على حجر الشيشة)
انت معندكشى نظر امال عيناك دى اللى زى عيون البقرة ....!
روح اجرى هات ولعة زيادة بسرعة
واحد من الاسطوات كان بيعامل وليد بنعومة و رقة على الاخر لذلك احبة وليد وكان دائما بيقرب منة حتى يتعلم منة الصنعة
-انت منين يا وليد من المنصورة
وليد-اشمعنة المنصورة يا اسطى
-اصلك امور كدة وحلو
وليد- لا انا من القاهرة هنا
-لالا شكلك مش من هنا
وليد- مش هتفرق يااسطى
وليد- والنبى يا اسطى فتحى كان نفسى اتعلم منك مسك الفارة واشغلها
-عايز تتعلم تمسك الفارة دة انت مستعجل اوى دة انا عقبال ما مسكت الفارة كانت الدنيا اكلت منى رقات شكلك كدة عايز توصل بسرعة لو سمعت كلامى وطوعتنى هتتعلم بسرعة وانت ذكى و زى السكر
تعالى قرب هات ايدك امسك الفارة كدة
ووضع ايدة على يد وليد

مصمص شفايفة ورفع حوجبة و قال
مش بقولك انت من المنصورة ايدك طرية وحلوة انت لذيذ قوى يا وليد يالاة امسك الفارة كدة وخليها تمشى كدة وبدا فى زنق وليد فى البنك و شعر وليد ان هناك شىء غريب يحدث وانة بين ذئب يريد ان يفترسة وان المعاملة الناعمة ليست لوجة الله
حاول وليد ان يخرج نفسة من هذة الزنقة ولكن الاسطى فتحى بهجميتة و فرق الجسم زنق وليد زنقة هباب
وليد- سيبنى يا اسطى سيب ايدى
-لية بس يا وليد انت مش عايز تتعلم الصنعة وتمسك الفارة
وليد- لا ياسطى شكرا مش عايز سيبنى بقى وبدا يقاوم الوحش ويخرج من بين انيابة
اصبح وليد بين نارين اسطى معقد يكرة الاولاد بتوع المدارس وبيستعبدهم والاخر شاذ و قذر
وليد- بيكلم نفسة وبعدين فى الشغلنة الوسخة دى اية القرف دة اللى انتى حدفتينى علية يا امى و انا اعمل اية دلوقتى مقدرشى اروح اشتكى لامى راح تبقى خناقة ودى غلابانة و محتاجة المساعدة اصبر بقى الشهرين دول لحد المدارس ما تفتح
يوم اخر الاسطى فتحى مش عايز يسيب وليد
-تعالى يا وليد نولنى العدة
-حاضر يا اسطى
-هات الشكوش دة
-وليد يوطى علشان يمسك الشكوش
-الاسطى فتحى يحك ايدة فى.....
-وليد يفت ويقف بسرعة اية يا اسطى
-اية يا وليد مالك
هات علبة المسامير
-وليد يوطى يجيب علبة المسامير
-الاسطى فتحى يحك ايدة فى.....
-وليد يفت ويقف بسرعة وبعدين معاك يا اسطى
-جرى اية ياة مالك
هات البنسة دى
-وليد يوطى يجيب البنسة
-الاسطى فتحى يكرر نفس الطريقة
وليد دى مش طريقة شغل يا اسطى فتحى واللة اقول للحاج محمود انت بتعمل اية فية
الاسطى فتحى وعينة هيخرج منها الشرار هتقول اية يا ابن امك انا الحق علية انى بخليك توقف جنبى علشان اعلمك الصنعة
وليد- صنعة ملعون ابوة دى صنعة اللى انت عايز تعلمهالى
وبذلك اتفق الاثنين على تتفيش وليد المعقد الذى لا يحب ابناء المدارس والقذر الشاذ اللى ما قدر يغوى وليد وياخذ منة ما يريد
يوم اخر
الاسطى المعقد فتح علبة السجائر وعزم على وليد بسيجارة
-اسحب سيجارة يا وليد
-وليد-شكرا
-اية عايز يعنى تقول انك ماشربتش قبل كدة
ماهو مافيش صنيعى مابيشربش لازم تشرب علشان تبقى راجل زينا
وليد-لالا شكرا يا اسطى لالالا معلش
-ياة خد متكسفش وهى امك شيفاك دة احنا بينا و بين بعضينا امسك امسك خليك راجل
-فتحى القذز-اصلة لسة عيل وميقدرش عليها ههههههههه بصوت كلة سخرية
طبعا هناك الكثير من الاطفال الصغار من تستهويهم شرب السجائر او الشيشة لازوم التقليد وانهم كبرو بقى
وليد- على استحياء اخذ السيجارة منة وولعها وبداء يسحب الدخان نفس وراء نفس وراء نفس وهو لا يدرى ماذا يخططون ويكدون لة وفجاءة ظهرو على حقيقتهم ومسكو وليد هما الاثنين ورفعوا رجلية وخلعوة الشبشب الذى كان يلبسة وليد و بعصاية غليظة بداوء ضربة على رجلية
اة اة والنبى اة اة والنبى سبونى
بتشرب سجائر يا ابن الحرام وامامنا كمان وحياة امك لنعرفك الادب
وليد- اة اة اة حرمت حرمت والنبى سبونى سبونى رجلى رجلى...!

اة اة اة مش انتم اللى عزمتم علية
-كمان بتتبلى علينا يا ابن المرة .....!!
وليد-ما تشتمش امى...!

رجلى رجلى...! اة اة سبونى حرام عليكم سبونى اة اة
وبعد علقة ساخنة تركوة وهم يعلمون تماما ان دة اخر يوم لوليد
وطبعا تبادل للنظرات بينهم وبعض حقد و كراهية منهم لهذا الصغير
و استنكار و استغراب من وليد لهولاء المهوسين الذين استقبلوة هذا الاستقبال البشع بدون سابق معرفة او ذنب
وليد-بعد فترة قليلة شم نفسة من العلقة الساخنة خرج من الورشة وبعد ما بعد عنهم حبة جرى ثم بصوت عالى
اهومانتم اللى ولاد مرة .....!!! يا ولاد الكلب يا كذا وكذا وكذ ا كل الالفاظ والشتائم التى نعرفها خرجت منة وهو اكبر شى يستطيع عملة ردا على اهانة امة وليس على ضربة فقط.
كان من المفروض ان يعود وليد فى فترة الغذاء الى البيت ولكنة ذهب الى صديقة بدلا من البيت حتى لا يصدم امة بما حدث وحتى يتفق مع صديقة وائل والذى يعمل ايضا فى الاجازة الصيفية فى توزيع الصحف و الجرايد فى النواصى والموصلات العامة ليعمل معة وياخذ من المتعهد جرايد بدلا من عمل الورش.
ام وليد استعوت غياب وليد وراحت تشوفة فى الورشة حتى ياكل مع اخواتة
-فين وليد يا اسطى فتحى
-ماعرفش دة مشى من ساعتين
ام وليد- ساعتين دة مرجعش البيت
-ما نعرفش يا ست ابنك دة اصلة تربية مدارس و ماينفعش عندنا دورى علية شوفى راح فين
-فتحى- انا حبيت اعلمة الصنعة بس
ابنك دة ملوش ......للشغل!

اعذورنى لانى كتبتها على استعجال على وعد باعادة صيغتها بشكل افضل
والى لقاء ان شاء الله





هناك 22 تعليقًا:

  1. وجعت قلبى حراااااام عليك:(

    ردحذف
  2. فعلاً هذا ما يحدث
    أحياناً او كثيراً
    للصغار المضطرين
    للنزول للعمل
    فى سن صغيرة:(

    ردحذف
  3. ما بتعلموش المهنة
    الا بالصعب والصعب
    اوى اوى اوى كمان
    الأ أن يرزقهم الله
    بأسطى امين وطيب
    ويتقى الله فيهم
    ويعلمهم أصول
    الشــــــــــغل.

    ردحذف
  4. تحياتي

    موضواع رائع
    بجد اثر فيه جامد
    لان ده فعا بقي بيحصل كتير
    مستنيه اعرف حصل ايه ليه بعد كده
    خراج من عالم الورشه والصنيعه المفترين
    راح لعالم اكبر وهوالشارع
    ياتري هيكون ايه الباقي
    في انتظار باقي الموضواع
    تحياتي
    اتمني التوفيق

    ردحذف
  5. كل عام وانته بخير
    وسنه سعيده يارب

    ردحذف
  6. كم يكون الواقع مصدم وموجع
    برغم اني اعرف ان اشياء مثل هذه القصة تحدث الآن كثيرا لكن هذه القصة صدمتني واوجعتني بشدة
    افظع واجبن انسان هو الذي يمارس قوته على ناس فقط لانه يعرف انهم اكثر منه ضعفا و انه متاكد انهم لا يستطيعون الرد عليه وعلى اعتداءه عليهم
    لكن يجب ان يكون هناك رادع لهؤلاء الاشخاص وعقاب شديد والا يتهاون المجتمع معهم رغم اني اعرف صعوبة ذلك
    احييك على اسلوبك المتميز والصادق
    وكل عام وانت بخير

    ردحذف
  7. اخى الكريم محمد
    جزاكم الله خيرا على الموضوع المهم
    ولكن اسمح لى ان اتحفظ على كم الالفاظ الغريبه المذكوره
    عارف انها بتستخدم ولكن ده مش معناه نقوله صراحه
    احيانا النقط بتدل على الكلام
    وبعدين دي مش كلمه دى كتير

    طبعا الموضوع مهم جدا
    وهى عماله الاطفال وخاصه فى وجود منعدمى الضمير
    ودي مشكله كبيره جدا
    وممكن تولد مجرمين
    وهنا برضه يظهر دور المجتمع ومنه الجمعيات الخيريه اللى المفروض بتاخذ بالها من الاسر الفقيره
    ولو حتى الولد الاسره عايزاه يعمل فده يكون فى مؤسسه خيريه تحت اشراف

    وطبعت تطبيق قوانين حمايه الطفل
    مش منعدمى الضمير يعتبروا اهانه الطفل واذلاله حاجه عاديه

    ربنا يصلح الاحوال
    ربنا يكرمك ويوفقك

    ردحذف
  8. اخى الفاضل محمود
    اشكرك على مرورك الطيب
    فعلا هى كلمات والفاظ ليست غريبة فقط و لكنها بذيئة ايضا.لكن بهدوء دعنا نحلل الكلمات
    اولا الكلمة الاكثر بذاءة
    يا ابن الوسخة
    الوسخة يعنى القذارة وقد نصف انفسنا احيانا بهذا الفظ بشكل عفوى عندما تتسخ ملابسنا فنقول ياة اية دة دة الواحد بقى وسخ قوى
    هذة الكلمة تعتبر من اقل الالفاظ التى يمكن ان نسمعها فى الحياة
    ناتى لكلمة المرة ولست اول من يستخدمها فى الدرما فمثلا فى فيلم الزوجة الثانية و على لسان زوجة الارجوز قالت دة ماتخلقشى اللى يغلب مرة وعلى لسان محمود مورسى فى مسلسل الثلاثية لنجيب محفوظ قالها اكثر من مرة
    اما لفظ ابن الكلب فهى تقال فى الاعمال الدرامية بشكل يومى
    ولك ان تتصور كم الكلمات التى قد وضعت مكانها نقاط والتى تركت لكل قراءى فهمها بدون كتبتها ولكنى لو فعلت ذلك فى الباقى فسوف يقل المعنى والابشاعة التى اريدها ان تصل الى الناس لانها و كما قلت انت انها للاسف الحقيقة
    وعزائى الوحيد انى قراءت اكثر من ذلك فى بعض المدونات و التى اصحابها فتيات او سيدات فهل على انا ان اجعل من الموضوع كلة نقاط؟ نعم اعرف انك وانا والكثير لايزالون يعيشون زمن البراءة المصرية والتى انتهت من زمن للاسباب عديدة منها نزول المراءة للعمل و فى شتىء المجالات مما ادى الى ضياع البراءة بل ان هناك الان من الرجال والشباب من يخجلن اكثر من النساء.هل هناك كلمات اخرى غيرهم؟

    ردحذف
  9. والجميع الان يشاهد افلام اجنبية والتى بها الفاظ اكثر بذاء ولا تقارن بالالفاظ التى حتى نسمعها فى الحياة المصرية

    ردحذف
  10. ناتى بقى لدور المجتمع والجمعيات الاهلية نعم لها دور ولكن هل لى فى سوال هل هذة الجمعيات الاهلية اصبحت تكفى الاعداد الهائلة من الفقراء و المعدومين من الشعب المصرى الذى يذبح كل يوم من القرارات الحكومية و التجار الجشعين والازمات الدولية هل تشاهد اعداد النساء المتزايد المتسولين فى الشوارع والمترو والموصلات كافة و بجوار المساجد هل تشاهد اعداد المتنقبات المتزايد منمن يسراحون بالمناديل و خلافة ان اعداد الفقراء فى مصر اصبح يفوق قدرة اى جمعيات اهلية يا سيدى

    ردحذف
  11. مش عارفة بجد اقول ايه غير انى اشكرك بجد جدااااااااااااااااااااااااااااا
    لانك بتتطرق لحاجات ممنوعة الناس تابو يعنى

    عاملين زى النعام بندفن راسنا فى التراب
    احيييك جدا لان حضرتك جبت القصة وكانها فعلا بتحصل ادامى ولو حضرتك بتعتذر على الالفاظ فدى بتحصل بالفعل وبنسمعها غصب عننا لانها حقيقة والقصة دى واقعية مش محتاج تزوق الكلام ولا تجيبه بصيغة ادبية بحته

    لا انت صورت كانه مشهد متحرك بينبض امامى
    حتى بالفاظه ومشاهده
    حضرتك صورتها لقطة لقطة تصور انا خفت بجد حسيت برعب لانى متخيلة خوف وليد وبرغم الفقر فيه معاناه فظيعة وحسيت بقرف الناس المريضة اللى بستغرب بيلاقوا لذة الشهوة ازاى مع طفل ياربى
    حتى التفكير فى الامر يصيبنى بالقرف

    طبعا النقاش فى الموضوع ده انا عندى كتير اوى انت عارفنى لتاتة موت ههههههه
    بس طبعا الفقر والعيشة المقرفة الحكومة بتقول بنعمل ونعمل بس بجد فى اماكن الحكومة متعرفهاش ولا محطوطة على الخريطة الناس تعبانين فعلا تعبانين فى الاكل والشرب اللى هما اصلا حق طبيعى لهم اساسيات المعيشة بقت صعبة طب هيعملوا ايه يخلفوا كتير ويشغلوا العيال
    والناس اللى ربنا يهدها عارفة ان الناس غلابة وان الطفل ده مش هيتكلم ولا يقدر لانه محتاج فلوس بياخدوا متعتهم منه اكبر ذل
    ماهو يتعمل كده يا بره يا.......
    طبعا اكيد هيخرج الولا ده لاسهل طريق السرقة او يشرب كوله تحت الكوبرى ويبقى اولاد شوارع وسلملى على الجمعيات وحقوق الانسان والحكومة

    الموضوع كبير اوى وطبعا مستنية اشوف وليد هيعمل ايه
    على راى المثل رضينا بالهم والهم مش راضى بينا
    بحيييك على القصة الواقعية اللى بنعيشها فعلا وعلى تصويرك وبالفاظها اللى اصلا من غيرها مكانتش هتنفع القصة خلينا واقعيين احنا مش بنحكى فى ندوة


    احيييييييييك يا صديقى العزيز


    من حق هو انهو مدونة اساسية عشان اتابعك فى الريدر جننتنى اكتر ما انا ههههههههه
    سلام

    ردحذف
  12. السلام عليكم
    اخى محمد
    مفيش زعل ولا حاجه خالص منى
    بالعكس انت ليك احترامك الكبير
    وكويس انك مزعلتش
    لان فيه ناس بتزعل من النقد
    وزى ماقلت لك الخلاف فى الراى لا يفسد للود قضيه

    ربنا يكرمك ويسعدك دايما

    ردحذف
  13. َأضرمت في القلب أحزانا ونيرانا وحسبنا الله منعم الوكيل فيمن باع مقدرات البلد وخيراتها وأحوج الصغار لهؤلاء الذئاب

    ردحذف
  14. الحمد لله و الشكر لله اننى استطعت ان انقل شىء بسيط من اشياء كثيرة غلط تحدث ولا يدرى بها احد اشكرك اخى حسام على مرورك وللاسف هذا اقل شىء يحدث ولم اتكلم عن تفصيل اخرى مفجعة
    حسبنا الله و نعم الوكيل

    ردحذف
  15. العمل فعلا هايل وفعلا انا قلبي بيتوجع عالناس دي وبحس بالحزن تجاههم حتى لما بيكبروا ويبدأوا هما يتحرشوا بالناس مهو من اللي اتعمل فيهم
    مش عارفه هل احنا علينا ذنب تجاه الفئة دي من الناس والا نقول ان الدنيا اتخلقت كده ناس فوق وناس تحت واللي فوق ملوش دعوة باللي تحت
    وأحييك على العمل

    ردحذف
  16. شكرا على زيارتك لمدونتى.....عظيم جدا ان نجد مدونة تلقى الضوء على قضية التحرش...ايضا الموسيقى أكثر من رائعة

    ردحذف
  17. عذاب هيبقى من بره الحكومه والاهل فى البيت وفى الشغل كمان حتى لو كان فى ورش او حتى فى شارع مبنخلصش وده بقى الطبيعى والعادى
    ربنا يحمينا ولى عوده مره اخرى

    ردحذف
  18. ملا اقرى مقاطع من هذا القبيل

    احس ان الحياه سودا

    اشعر ببوادر اكتئاب!

    ردحذف
  19. عند و جود خلل او علة ما فى المجتمع يكون من الافضل القاء الضوء علية لكشفة للجميع.والافضل من الاكتئاب هو الادانة و النفور من هذا الشء والكتابة عنة حتى يتحرك الناس للقضاء علية.ولو كان كل ما نكتب عنة هى الايجابيات فسوف نكون مثل الذى يدفن راسة فى التراب.و فى الطب فان كشف العلة هى بداية مواجة المرض. ندع الصحف الحكومية تتكلم وتظهر الايجابيات فقط. ونكمل نحن لهم الصورة بشوية سلبيات
    شكرا على الزيارة
    و الى لقاء اخر ان شاء الله

    ردحذف
  20. السلام عليكم

    فعلاً التدريب فى الورش بدون ضوابط ولا رقابه ممكن يؤدى لأسوأ من ذلك لأن الدنيا ياما فيها متحرشين
    مرضى وعديمى الرحمه
    والأهل لازم يعرفوا المعلوملت المهمه دى
    وجزاك الله كل خير

    ودمت بخير حال

    ردحذف
  21. فعلا لابد تعيد كتابتها وتهذب ألفاظها
    لأنها فى مدونتك.

    هذا خاص بالكتابة أما الموضوع فصحيح
    وسمعنا عن صاحب العمل الذى نفخ الطفل
    حتى كاد يموت
    ومن هنا كانت قوانين عمالة الأطفال
    ومع ذلك الحاجة تدفع بالأبرياء في طريق
    السفهاء
    تحياتى

    ردحذف
  22. Dear Mohamed, it is really hard. Sorr, i actually don't like to read bad words, but i see that other bloggers liked it. What you wrote is a daily fact.
    I have a lot to say about this issue but can't now, i m really upset with this post, so later if you permit to me, Thanks

    ردحذف